#KeepMeSharp – Tenemi Skèrpi [Revelashon]-01

• ✊🏾 • #TenemiSkèrpi

WILLEMSTAD, CURAÇAO – Gwendell Mercelina, Jr writes his sharp reflections and statements on the worldwide but also nation-wide Black Lives Matters effects in Papiamentu for his community. It comes as his first revelation part.

Esta bunita mira kon nos hendenan por uní, habri boka i papia di rasismo, publiká ki ora ku bo ke BLACK LIVES MATTER e dianan akí.

Ei mes ke grita djis pa konta, sin komprondé tuma tempu o profundisá riba e materia promé grita tambe ku ALL LIVES MATTER sin kompronde e esensia ku mester sera un buraku riba igualdat – ku NOS mes tin falta di dje.

Ku lucha manera e manifestashonnan mundial akí nos pais a sakudí Reino, región i mundu kuné 51 aña pasá ku 30 di Mei 1969 pero ainda ta bagatalisá e historia pa motibu di perspektiva institushonalisá den nos hendenan. E tabata un lucha laboral pero tambe rasial ku nos komunidat a gana riba igualdat, pa despues laga e bandera na palu di horka i no kana adelantá riba dje komo ehèmpel pa mundu.

Mientras mas i mas bo ta realisá ku e pandemia COVID-19 ta nada peligroso kompará ku e virùs humano di IGNORANSIA-20.

Paso mientras rasismo su razgonan ta mas kontrolá akí nos ta biba den un Reino pèstá ku prehuisio i diskrepansia ku nos ta keda ketu riba dje i tolerá paso ta riba nan sèn di impuesto nos ke sobrebibí sin kondishon.


Pero tambe nos ta ignorante na momentu id reflehá den nos famianan – kaminda falta di komunikashon, komprenshon i ta e igra di fulminá ku chèrchi o tentamentu pa motibu di sekso, rasa, religion, kredo, … paso te ainda ke papia di drechamentu di famia o por deskriminá riba bon o mal kabei, kua skol ba bai si ta HAVO – ‘VVO’ 🤦🏽‍♂️, VSBO, ZMLK òf asta ki tipo di trabou bo tin, di kua bario bo ta, òf ta ken of kiko bo gusta.

Ta e mesun komunidat akí, te komunidat ku xenofobia ta afektá ora tin ku saka un man pé rumannan di pais den región por tin un dak pa kompartí p.e Venezolanonan mas resiente, Dominikanonan, Colombianonan, Haitianonan, Jamaikinonan etc.

Te mesun komunidat ku tin rasgonan a diskriminá un yu pa su orientashon seksual i venené ku pensamentu religioso partidario sin respeta e kresementu di kada ken su libertat/derechi fundamental. Òf di e bario kaminda e ta bin, proklamashon di figuranan koruptivo/no integro komo herue, violensia domestiko skondí paso no por papia di dje. Un pais ku machismo ta na òrdu di dia kaminda ta un pais ehèmpel emansipadó di igualdat di genero nos ta den mundu.

E mesun ku ta diskutí kubo riba e fiesta di mucha kaminda ‘zwarte piet’ no ta rasismo, pero no sa mes e diferensia di kon ta insentivá i siña nos muchanan algu sin por mirá o pensa solushonnan kreativo eliminando tur desigualdat inesesario.

E mesun ku a para laga mira kon e lucha di hóbennan pa un skol di fishi bai pèrdi pa mal maneho ser reflehá riba un plataforma nashonal, paso ta saka sèn djis pa saka pero no ta kòrda riba e sostenibilidat di e hende su esensia pa tambe tin oportunidat igual pa krese i bira un ser signifikante den bida.

E mesun komunidat ku lo preferá insentiva individualismo o materialismo, paso mientras e kos no stroba abo di drumi, bo no mester prekupá riba e lucha di igualdat kolektivo. Maske pa huntu nos tene man pasa riba e brùg!
Paso no ta paso tin libertat ta hasi ku nos tin libertinahe pa pasa riba otro su derechinan o keda habri nos berpùt di pensamentu djis paso nos tin e kòrta den nos kara sin importa sintimentu di un otro.

Pero tambe te mesun komunidat ku na fin di dia, ta skohe tòg pa ‘nami un ko pa mi vota pabo’ sin importá ku te mesun nan ku lo skohe tambe pa keda institushonalisá nos ignoransia ku ta pió ke rasismo sistematikó o deskriminashon. Lubidá riba e esensia nashonal o futuro generashon ku no mester bini pió ni mas sinberguensa pero mihó pa humanidat.

Ei mes mi tin speransa, ku es pregon ku mi ta reflehá aki ta un grupo minoritario ku su bos ta grita duru i ni maske kuantu influensia, posishon o poder nan ta kere di por tin. Lo surpasá ignoransia ku amor den balansa, paso e propósito ku ta bati foi mi esensia ta di sirbi un i tur ku un pashon hustu i skèrpi.

Tin dianan briante na kaminda, paso tin mas espasio pa transparensia, mas espasio pa realidat divino i tin fe pa kontra-arestá tur tempestat. Porfabor keda tenemi skèrpi‼❤🙏🏾…”
― Gwendell Mercelina, Jr. @wenshow ©️

• ✊🏾 • TO BE CONTINUED

________________________________________________

📶 • #revolushonskerpi • #tenemiskerpi • #keepmesharp • #blacklivesmattertoo • #icantbreathe • #revelashonskèrpi • #speransateultimokosdipèrdè • #brightdayswillcome •
________________________________________________

This image has an empty alt attribute; its file name is cropped-wenshow_mininewlogo1.jpg

Follow WENSHOW on FacebookTwitterInstagramLinkedIn

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.