#TenemiSkèrpi – Ban marka historia ku Samira Rafaela

Polítiko independiente Gwendell Mercelina, Jr. ta hasi un yamada na nos komunidat den Reino pa sostené kandidato #3 Samira Rafaela di lista #1 D66

WILLEMSTAD, CURAÇAO – Na 2009, Gwendell Mercelina, Jr. a sostené kampaña polítiko Oropeo di Nadya van Putten di GroenLinks, dies aña despues e ta konsehero pa komunidat Karibense Hulandes di Samira Rafaela, e úniko kandidato ku desendensia Kurasoleño (Karibense Hulandes) pa Parlamento Oropeo 2019 – 2024.

Samira Rafaela, por ta e promé embahador den historia Oropeo si nos komunidat demostrá union i sostené pa ser elihí na elekshon di Parlamento Oropeo 23 di Mei. E plan i enfoke di Samira tambe ta dirigí atenshon na nos komunidat.

Si nos ta deseá di tin un influensia, un bos den nos propio direkshon, nos mester demostrá ku nos mes tambe ta kere den nos hendenan. Polítika ta representashon, ta remarkabel ku nos no tin niun representashon den e Parlamento Hulandes (Tweede Kamer) aktual. Pues e oportunidat ku nos tin ku Samira nos mester asumié i mir’é riba e nivel di Union Oropeo, kaminda kada nivel di maneho tin su grado i diferensia sumamente importante.

Durante e bishita na e islanan tambe Gwendell a kompaña Samira i pa ku esaki mester gradisí tambe koleganan polítiko manera Nina den Heyer, Clark Abraham, Daisy Coffie, Serginho Finies, Rocco Tjon, Ana Maria Pauletta i Giselle Mc William ku a sostené nos kandidato surpasando kolo polítiko o ideologia di partido. Tur e organisashonnan ku a duna oido i tambe sostené e bishita, tambe esnan ku dor di e tempu kòrtiku lamentablemente no a logra topa ku Samira.  

Si di e forma aki nos por sigui uni, semper tin speransa pa hiba un generashon nobo dinámiko di polítika diferente, pues laga nos sigui ta un ehèmpel pa fomentá tambe konsientisashon i importansia di nos suidadania Oropeo i nos ròl komo LGO, sigur komo miembro presidensial 2019 di OCTA.

Follow WENSHOW on FacebookTwitterInstagramLinkedIn

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.