#TENEMISKÈRPI – Un yamada pa kurashi polítiko pa evitá un katástrofe afektá nos mas ainda riba e situashon na Venezuela

WILLEMSTAD, CURAÇAO 

E neutralidat den e posishon ku nos estado a tuma riba e situashon ku ta pasa na Venezuela ta unu kuestionabel segun análisis dje polítiko hóben Gwendell Mercelina, Jr.

Neutralidat ta yuda e opresor i nunka e víktima, anto e silensio ta alimentá e esun ku ta tormenta i nunka esun tormenta. Ni maske nos gobernantenan a skohe pa sigui un posishon suak despues ku nan no a presentá na huramentashon di segundo término di sr. Nicolás Maduro, i awor nan no ta rekonosé sr. Juan Guaidó tampoko komo Presidente Interino. Ta ponebo hasi e pregunta si nos no ta rekonosé Guaidó, ni a rekonosé e elekshonnan di 2018 ku Maduro a gana den forma kuestionabel, ta ken si nos ta rekonosé den e pais ruman?

Nos ròl komo pais por hunga un piesa geopolítiko sumamente esensial den ta un kambio riba e senario aki, si nos ke ta un trampolin di pas den e situashon.

Nos mesun gobernantenan ta laga espasio i duda den sierto kapasidat di karga e responsabilidat di liderazgo, no ta muchu ku aña pasá no por a negoshá pa habri frontera na momentu ku nos tabata tin mester pa motibu di skarsedat. Te na ora ku Minister di Relashonnan Eksterior di Reino Hulandes, Stef Blok a logra esaki pa nos paisnan di Reino Karibense. E mesun minister a yega na akuerdo ku e èks Visepresidente Venezolano Tareck El Aissami, kual ta ser internashonalmente sanshoná i ta akusá di tortura polítiko. For di e momentu ei por ehèmpel e Promé Minister di Aruba, sra. Wever-Croes a tuma un posishon klave riba e forma di proseder den Reino, i nos unbé mas a keda ketu riba e situashon.

Nos mester keda skèrpi i vigilá tur situashon, paso miéntras nos estado a ninga di rekonosé o tuma posishon. E pais partner di Reino Hulandes, Merka (USA) kual tin un FOL situá na nos aeropuerto si a tuma posishon kla, i nos paisnan chikí lo ta sentro di e situashon ku por sigui surgi entre nan un guera sivil. Entre tantu awor si Hulanda a tuma un otro posishon pa rekonosé sr. Juan Guaidó si Presidente Nicolás Maduro no yama dentro di ocho dia elekshonnan liber di nobo. Kual tambe ta un posishon ku a bini despues ku e otro paisnan Oropeo manera Spaña, Fransia, Reino Uni a deklará esaki, i tambe e posishon di Presidente di Parlamentu Oropeo.  

Miéntras tantu na Venezuela, Merka a mantené su personal diplomátiko na posishon manera sr. Juan Guaido a dekretá pero si a tuma prekoushon di saka for di e pais tur personal no esensial. Meskos nos tambe mester tuma prekoushon pa nos suidadanonan (hulandes) sali i no biaha den e temporada aki pa Venezuela te na momentu mira un stabilidat den e krísis.

Ki posishon Reino lo tuma, si ya komo ta tur loke Hulanda bisa nos tin ku sigui asta si geográfikamente nos ta mas serka?

E krísis aki ta unu demokrátiko, ekonómiko i sosial ku a okashoná un imigrashon masivo di mas ku 3 mion venezolano, ku un averahe di 5 mil ku ta retirá pa dia for di nan pais, un inflashon ku ta surpasá 10 mion sin remedi ni komestibel na e pais pa tur suidadano.

Situashon ta demasiado tenso, kaminda e falta di union den e oposishon mes tambe a lag’é bira lamentabel i ainda nos ta kere den laga efekto sigui pasa riba nos pais. E problema no ta un simpel echo konstitushonal, e ta un asuntu di podernan mundial disputando un wega tambe Merka vs. China/Rusia.

Nos rumannan Venezolano ta asina serka, e pais bisiña mas grandi di Reino Hulandes ta Venezuela i nan agonia tambe ta afektá nos. Nos geografia, nos historia, nos lasonan ta algu ku semper mester pone nos konsiente ku hamas mester laga nos rumannan so den un situashon ni lucha, ta nos bisiña i si nos keda ketu – nos silensio lo ta parti di desaster si nos keda ketu riba loke ta importante.

Ora un gobièrnu ta ninga di skucha su propio komunidat, e or’ei e pueblo mes mester lucha! Nos mester tuma posishon pa evitá ku e situashon por resultá den un katástrofe ku ta hiba nos kompletu huntu kuné, mester sali pa salbaguardiá derechinan humano i demokrasia, mester demostrá kurashi i para na e banda mas balansa ku por hiba elekshonnan liber na e pais ruman i okashoná un trankilidat momentaneo.

E pueblo mes ta sklamando pa liberá su propio destino, pero ora un régimen tin e kòntròl hudisial i militar den poder pa fòrsa un pais den un sierto direkshon ya e ta algu kontra demokrasia. Kaminda tin detenshonnan polítiko inhustu ta kai pa dia i mortonan di riba 34 persona den e último dianan di manifestashon aki so kaba. 

Pa medio di e ‘think-tank’ Revolushon Skerpi,  Mercelina tambe a hasi un enkuesta digital entre kua ta e desishon ku nos hendenan lo tuma i un kantidat di 157 persona a vota kaminda 90% a skohe di rekonosé sr. Juan Guaido komo Presidente Interino di Venezuela.  Por tuma nota di esaki riba su página di facebook www.fb.com/gmercelinajr

🇨🇼

Follow WENSHOW on FacebookTwitterInstagramLinkedIn

www.facebook.com/wenshow

www.twitter.com/wenshowhq

www.instagram.com/wenshow

www.linkedin.com/in/wenshow

www.wenshow.me




Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.