#TENEMISKÈRPI – 2019 tin ku marka e aña di kompromiso berdadero ku nos pais

WILLEMSTAD, CURAÇAO 

Ya pa algun tempu ku no a tende di e hóben mas votá den historia elektoral di Kòrsou, Gwendell Mercelina Jr.

Hopi a eksperensiá ku for di su entrada den polítika kambionan intenso i drástiko a sosodé den su bida, i 2018 a hiba ku personalmente ela tuma e momentu presiso pa un pousa di refuerso mental i laboral. Durante un periodo ela hasi un kurso internashonal di meditashon, i despues un kuart di e aña e tabata den eksterior ekspandiendo alanan empresarial na Oropa.

Esaki a yuda sigur den su etapa di 30 aña komo kresementu polítiko tambe, kaminda a nota e diferensia manera un eksodo den kuantu suidadano kurasoleño ta bandonando nos pais pa skapa di nos situashon aktual. Mester realisá ku un pais ku krisis di populashon tambe ta afekta nos kresementu ekonomiko.

Mientras nos ta pone enfasis riba e krisis finansiero o ekonomiko, nos mester pone atenshon direkto riba e sufrimentu mas grave di humanidat i balornan kolektivo ku ta sosodiendo den nos komunidat. Den 2018 nos a konosé un gobernashon práktikamente stábil pa mas ku un aña kaba kual ta bon pa desaroyo polítiko, pero nos no a mira si niun kambio diferente den proseder di hasi polítika riba nos pais.  

Mester rekonosé ku nos falta di kurashi, transparensia i liderazgo, sigur momentu nota kon a trata tópikonan manera: FEFFIK, Vèlt di Barber, Insel Air, MDPT, Refineria, GZE, UTS, Algemene Rekenkamer, HNO, Kas di Kultura, Enseñansa Liber, Enseñansa den Region, Independensia Konseho Supremo Elektoral, CFT, Doggy Beach, Asuntu di tereno Shanley Pietersz, Trato di imigrantenan i indokumentadonan Venezolano, Abusu di Muchanan, HIV/AIDS, Seguridat den Trafiko, Desaparishon di 600 Kg di droga,  pa menshoná algun.

2019 ta premira di bira un aña karga ku retonan interesante pa nos pais, i pa esaki nos mester keda realistiko. Konfia i brinda oportunidat na potenshal real di nos mes hendenan, ta mas fleksibel i habrí pa kambio.  Mester brinda mas oportunidat pa nos por krese konhuntamente ku eksperensia i tambe airu nobo ku ideanan nobo.

Den fin di 2018 durante di Black Achievement Month, Gwendell tabata orador prinsipal e komunidat antiano i hulandes karibense durante e premiashon di Pearls of the Dutch Caribbean. Einan e la hiba diferente kombersashon ku e desaroyo i interes ku profeshonalnan i nan interes di por tin derechi di voto tambe riba nos desaroyo aktual, i otro topikonan manera lei di igualdat i introdukshon di cannabis medisinal.

Polítikamente den 2019 te aña kaminda Mercelina lo tuma e siguiente paso den su karera polítiko, kual ainda ta habri na posibilidatnan. Basa riba su motivashon ku polítika no ta solamente solushon riba korto término sino e mira pa dilanti, e vishon for di na momentu di su entrada, i un ganado hamas ta renunsia. Pa medio di su kanalnan digital manera Facebook www.fb.com/gmercelinajr i e grupo ‘think-tank’ di REVOLUSHON SKÈRPI e ta sigui traha riba un konsenshi polítiko konsiente, progresivo, inovativo i skèrpi.  

🇨🇼

Follow WENSHOW on FacebookTwitterInstagramLinkedIn

www.facebook.com/wenshow

www.twitter.com/wenshowhq

www.instagram.com/wenshow

www.linkedin.com/in/wenshow

www.wenshow.me

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.