#CNSJF2018 – Curaçao North Sea Jazz Festival ta un kontribushon indispensabel pa ekonomia di Kòrsou

CNSJ - jazzfestival

WILLEMSTAD, CURAÇAO –

Den e wikènt di U.S. Labor Day, di 30 di ougùstùs pa 1 di sèptèmber 2018, a organisá e edishon 2018 di Curaçao North Sea Jazz Festival (CNSJF). E festival a regresá despues di un ‘hiatus’ ku na 2017 a kanselá e festival.

E festival a konta ku un asistensia di 4.688 bishitante internashonal, ku a gasta US$2.286 pa biahe pa persona I US$343 pa dia pa persona. E gastu pa dia pa persona ta 10.3% mas altu ku na 2015 ku tabata US$311. Gastunan pa persona den 2018 a konosé un kresementu kolosal di 35% mas ku den 2014 (US$254 pa persona). Gastu pa dia di e bishitante di festival CNSJ, ta dòbel di e kantidat di gastu di e turista típiko, esta (US$171.00).

E festival a tuma lugá na su sitio kustumbrá, Curaçao World Trade Center. E festival ta tin un line-up ku super artista, manera semper ta e kustumber, ku e.o: Sting & Shaggy, Christina Aguilera, Patti Labelle, Jason Derullo, Grace Jones, Daddy Yankee, KC and the Sunshine Band, Carlos Vives djis pa menshoná algun. Christina Aguilera a klousurá e festival ku un kòmbèk, despues di tabata riba stage pa delaster biaha den 2008.

E bishitante nan di CNSJ 2018 a gasta un total balorá na US$8,065.158, miéntras ku e kontribushon ekonómiko di e festival pa Kòrsou ta balorá na US$12.773,958. E kontribushon total di e festival na Kòrsou ta representá un dia i mei di Kòrsou su GDP. Si e festival no a tuma lugá, Kòrsou lo a pèrdè di haña US$8.1 mion. Komparando e mesun siman den 2017, Kòrsou a haña 10.176 bishitante internashonal. E aña akí, Kòrsou a yama 12.702 bishitante internashonal Bon Biní. Esaki pa motibu ku CNSJF ta oumentá kantidat di bishitante durante e temporada akí. E balor di e edishon di CNSJ 2018 a keda demostrá ku un oumento di mas di 25% di bishitantenan internashonal e aña akí.

E grado di satisfakshon serka e bishitantenan a surpasá 90%, kaminda bishitantenan a demostrá nan satisfakshon ku tantu e kalidat musikal di e artistanan komo e line-up di artista. E impreshonnan pa un festival musikal ta impreshonante. Mesun kos Tabata reakshonnan ku nan lo regresá pa e festival aki otro aña i ku nan lo rekomendá e festival na otronan. CNSJ a krea un nòmber úniko i ku fanátikonan lo ke regresá pa e festival akí.

 

 

E edishon CNSJF 2018 a rekonfirmá su reputashon komo un festival di klase. Manera un periodista internashonal a bisa: “In a contentious time for destination festival, Curaçao North Sea Jazz serves as a model of what they could and should offer: Music that’s worth traveling for, and travel that’s worth an afternoon away from music.”

 

🇨🇼 11.24.2018

Kòrsou riba tono di laman

“Kada un zona, ta un zonza ribe ritmo di nos kueru.
Uniko den su estilo, mundu kompletu ta atmire!
Rabunan di tur skina a kontra zoya dje zonido ku ta traspasa frontera.
Asina kurason ta kanta, alma ta yena i suela ta tembla.
Sonido di e pueblo ku ta anhela su yegada sin despedida.
Ora kontra yunan di tur patria kontentu i felis.
Na Kòrsou ei, e kaminda ku e ta, ankra  ku klase i harma ku fervor manera tur ku ta desea!

― Gwendell Mercelina, Jr. | Kòrsou riba tono di laman dedikatorio spesial pa #CNSJF


Follow WENSHOW on FacebookTwitterInstagramLinkedIn

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.